സിയൂസും ഹെറയും തമ്മിലുള്ള വിവാഹാഘോഷത്തിന് എല്ലാ ദേവന്മാരും സമ്മാനങ്ങൾ കൊണ്ടുവന്നു. ഭൂമിമാതാവ് അവര്‍ക്ക് സമ്മാനമായി ചില ആപ്പിൾ മരങ്ങൾ ആണ് കൊണ്ടുവന്നത്. ഈ മരങ്ങളില്‍ വിലയേറിയ സ്വർണ്ണ ആപ്പിളുകള്‍ കായ്ചത് കണ്ട് സിയൂസും ഹെറയും അവര്‍ക്ക് ലഭിച്ച അത്ഭുതകരമായ വിവാഹ സമ്മാനത്തിൽ വളരെയധികം സന്തോഷിച്ചു, ആപ്പിളിനെ സംരക്ഷിക്കാൻ അവര്‍ പടിഞ്ഞാറിന്‍റെ പുത്രിമാർ എന്ന് വിളിക്കപ്പെടുന്ന നാല് കന്യകമാരെ നിയമിച്ചു. മാത്രമല്ല ഒരിയ്ക്കലും ഉറങ്ങാത്ത നൂറു തലകളുള്ള ഒരു ഡ്രാഗണിനെയും അവർ അവിടെ കാവലിനായി ഏര്‍പ്പാടാക്കി.
ആപ്പിളുകള്‍ വളരെ ആകർഷകമായിരുന്നു. ഭീകരനായ ഡ്രാഗണ്‍ മരത്തിന്‍റെ അടുത്ത് നിന്നിരുന്നില്ലെങ്കിൽ ആ കന്യകമാർ തന്നെ അത് കഴിക്കാൻ പ്രലോഭിപ്പിക്കപ്പെടുമായിരുന്നു. ഡ്രാഗന്‍റെ ഓരോ വായില്‍ നിന്നും ഇടിമുഴക്കം പോലെ ഒരുതരം ഗർജ്ജനം പുറപ്പെടുവിച്ചു കൊണ്ടിരുന്നു. ആ ശബ്ദം കേട്ടു വിരണ്ട് ഒരാളും ആ മരങ്ങളെ സമീപിക്കാൻ പോലും ധൈര്യപ്പെട്ടില്ല. അഥവാ അങ്ങിനെ ആരെങ്കിലും നുഴഞ്ഞു കയറിയാല്‍ തന്നെ അവര്‍ ഡ്രാഗന്‍റെ കണ്ണുകളിൽ നിന്ന് പുറപ്പെടുന്ന മിന്നലുകളേറ്റ് മരിച്ചു വീണു.
വർഷങ്ങള്‍ കഴിയും തോറും മരങ്ങൾ കൂടുതൽ കൂടുതൽ മനോഹരമായി വളർന്നു, ആപ്പിളുകള്‍ വളരെ ഭാരമുള്ളതിനാൽ മരത്തിന്‍റെ ശാഖകൾ അവയുടെ ഭാരത്താല്‍ താഴേയ്ക്ക് വളഞ്ഞു നിന്നിരുന്നു. പടിഞ്ഞാറുള്ള ദ്വീപുകളിലെ ഹെസ്പെറൈഡുകളുടെ ഉദ്യാനത്തിലാണ് ആ ആപ്പിളുകള്‍ വളർന്നിരുന്നത് സിയൂസിന്‍റെ സിംഹാസനത്തിനടുത്ത് നിന്ന് ഉയർന്നുവരുന്ന അമൃതിന്‍റെ ഉറവകളാൽ അവ നനയ്ക്കപ്പെട്ടു.
യൂറിസ്റ്റിയസ് ഈ സ്വര്‍ണ്ണ ആപ്പിളിനെക്കുറിച്ച് കേട്ടിരുന്നു, അവ തന്റെ അടുക്കൽ കൊണ്ടുവരാൻ അദ്ദേഹം ഹെര്‍കുലീസിനോട് ഉത്തരവിട്ടു. അതിന് പ്രകാരം സ്വര്‍ണ്ണ ആപ്പിളുകള്‍ കരസ്ഥമാക്കാനായി ഹെര്‍കുലീസ് പുറപ്പെട്ടു.
വളരെക്കാലം ഹെര്‍കുലീസ് വിവിധ ദേശങ്ങളിൽ സ്വര്‍ണ്ണ ആപ്പിളുകള്‍ തേടി അലഞ്ഞുനടന്നു. കുറെ നാളത്തെ അലച്ചിലിന് ശേഷം ഹെര്‍കുലീസ് റോൺ നദിക്കരയിൽ എത്തി. അവിടെ ജലദേവതകള്‍ ആഴക്കടലിന്‍റെ പുരാതന അധിപനനായ ദേവനോട് സഹായം തേടാന്‍ ഹെര്‍കുലീസിനെ ഉപദേശിച്ചു., സമുദ്രത്തിന്‍റെ ആഴത്തിന്‍റെ എല്ലാ രഹസ്യങ്ങളും അറിയുന്നവനും ദേവന്മാരുടെ ജ്ഞാനത്തിന് അപ്പുറ ജ്ഞാനമുള്ളവനുമായിരുന്നു പല പേരുകളില്‍ അറിയപ്പെട്ടിരുന്ന ആ ദേവന്‍. അദ്ദേഹത്തെ പല പേരുകളിൽ വിളിക്കുന്നു, പക്ഷേ അദ്ദേഹത്തിന്‍റെ ഏറ്റവും ഉത്തമമായ പേര് നെറിയസ് എന്നാണ്. രൂപമാറ്റം വരുത്താനുള്ള കഴിവ് അദ്ദേഹത്തിനുണ്ടായിരുന്നു. കടലിൻ്റെ ശാന്തവും പരിപോഷിപ്പിക്കുന്നതുമായ വശങ്ങൾ നിയന്ത്രിക്കുന്ന, സൗമ്യനും ദയയുള്ളതുമായ ഒരു ദേവനായി നെറിയസ് കരുതപ്പെടുന്നു.
സാധാരണയായി അദ്ദേഹം കടന്നുകയറ്റക്കാരില്‍ നിന്ന് ഒഴിഞ്ഞു മാറുകയാണ് ചെയ്യുക എന്നാൽ ഭയപ്പെടാത്തവർക്കും അദ്ദേഹത്തെ കണ്ടുപിടിക്കാനും, പിടികൂടാനും കഴിയുന്നവർക്കു അദ്ദേഹം തന്റെ ജ്ഞാനത്തിന്‍റെ ശേഖരം സ്വതന്ത്രമായി തുറന്നു കൊടുക്കുമായിരുന്നു.
ഇതറിഞ്ഞ ഹെര്‍കുലീസ് കുറെ കഷ്ടപ്പെട്ട് നെറിയസിനെ കണ്ടെത്തി തന്റെ പിടിയിലാക്കി. നെറിയസ് ആദ്യം ഒരു സിംഹത്തിന്‍റെയും, പിന്നീട് പാമ്പിന്‍റെയും രൂപത്തിലേയ്ക്ക് മാറി. എന്നാല്‍ ഹെര്‍കുലീസ് തന്റെ പിടി വിട്ടില്ല. നെറിയസ് മത്സ്യത്തിന്‍റെ രൂപത്തിലേയ്ക്ക് മാറി നോക്കി. രക്ഷയില്ലാതായപ്പോള്‍ അദ്ദേഹം ജലപ്രവാഹത്തിന്‍റെ യും, ഒടുവിൽ ഒരു വൃദ്ധന്‍റെയും രൂപം സ്വീകരിച്ചു. എന്തെല്ലാം ശ്രമിച്ചിട്ടും ഹെര്‍കുലീസ് തന്റെ പിടി വിടാന്‍ തയ്യാറായില്ല. ഒടുവില്‍ നെറിയസ് ഹെസ്പെറൈഡുകളുടെ ഉദ്യാനത്തിലേക്കുള്ള വഴി ഹെര്‍കുലീസിന് പറഞ്ഞു കൊടുത്തു.
നെറിയസിനെ വിട്ട് ഹെര്‍കുലീസ് തെക്കോട്ട്, ആഫ്രിക്കയിലേക്ക് യാത്ര ചെയ്തു, അവിടെ വെച്ച് മരുഭൂമിയിൽ വസിച്ചിരുന്ന ഒരു വലിയ ഭീമനായ ആന്‍റിയാസിനെ കണ്ടുമുട്ടി. ആന്‍റിയാസ് സമുദ്രദേവനായ പോസിഡോണിന്‍റെയും, ഭൂമിദേവിയായ ഗയയുടെയും മകനായിരുന്നു അവൻ ഭയങ്കരമായ മണൽക്കാറ്റുകളെപ്പോലെ ശക്തനായിരുന്നു. തന്റെ പ്രദേശങ്ങൾ വഴി കടന്ന എല്ലാ യാത്രക്കാറെയും ക്രൂരനായ ആന്‍റിയാസ് ഒരു ദയയുമില്ലാതെ കൊന്നു കളഞ്ഞുകൊണ്ടിരുന്നു. അതേസമയം തനിക്ക് ചുറ്റും വസിച്ചിരുന്ന ചെറിയ പിഗ്മികളെ അവൻ സ്നേഹിക്കുകയും സംരക്ഷിക്കുകയും ചെയ്തു. യുദ്ധത്തിൽ അവനെ പരാജയപ്പെടുത്താൻ ആർക്കും കഴിഞ്ഞിട്ടില്ല, കാരണം അവൻ എപ്പോഴെങ്കിലും നിലംപതിച്ചാല്‍ ഭൂമി മാതാവ് അവന് പുതിയ ശക്തിയും വര്‍ദ്ധിത വീര്യവും നൽകി വന്നു.
ഹെര്‍കുലീസ് അവനുമായി മല്ലിടുകയും പലതവണ അവനെ നീളത്തടിക്കുകയും ചെയ്തു, പക്ഷേ ആന്‍റിയോസ് ഓരോ തവണയും കൂടുതല്‍ ശക്തനായി എഴുന്നേറ്റു. ഒടുവിൽ ഹെര്‍കുലീസ് അവനെ ഒരു കൈകൊണ്ട് പിടിച്ചു, ഭൂമി മാതാവിൽ നിന്ന് സഹായം സ്വീകരിക്കാൻ കഴിയാത്ത വിധത്തില്‍ വായുവിൽ ഉയർത്തിപ്പിടിച്ച് ഞെരുക്കി കൊന്നു.
അതിശക്തമായ ആ മല്ലയുദ്ധത്തോടെ ഹെര്‍കുലീസ് വളരെയധികം ക്ഷീണിതനായി. അദ്ദേഹം മരുഭൂമിയിൽ വിശ്രമിക്കാൻ കിടന്നു. പക്ഷേ ഹെര്‍കുലീസിന് അധികനേരം ഉറങ്ങാൻ കഴിഞ്ഞില്ല കാരണംഅവരുടെ പ്രിയപ്പെട്ട ഭീമൻ മരിച്ചുകിടക്കുന്നത് കണ്ട് ക്രുദ്ധരായ പിഗ്മികളുടെ ഒരു കൂട്ടം ഹെര്‍കുലീസിനെ ആക്രമിച്ചു. ഹെര്കുലീസിന്റെ തല മുതൽ കാൽ വരെ പിഗ്മികളാല്‍ മൂടപ്പെട്ടു. ഹെര്‍കുലീസ് ചാടിയെഴുന്നേറ്റു, വേഗത്തിൽ തന്റെ സിംഹത്തോൽ എടുത്തു, നിരവധി പിഗ്മികളെ ഞെരിച്ച് കൊലപ്പെടുത്തി.
പിന്നെ ഹെര്‍കുലീസ് കിഴക്കോട്ട് യാത്ര തിരിച്ചു. പല രാജ്യങ്ങളിലൂടെയും സഞ്ചരിച്ചു ഒടുവില്‍ ഇന്ത്യയില്‍ എത്തിചെര്‍ന്നു. അതോടെ താന്‍ തെറ്റായ ദിശയിൽ സഞ്ചരിച്ചതായി ഹെര്‍കുലീസിന് മനസ്സിലായി. അതോടെ അദ്ദേഹം തന്റെ ദിശ മാറ്റി വടക്ക് പടിഞ്ഞാറായി യാത്ര ചെയ്തു കോക്കസസ് പർവതനിരകളിൽ എത്തി.
കോക്കസസ് പര്‍വതങലെത്തിയ ഹെര്‍കുലീസ് ഉയർന്ന പർവതശിഖരത്തിലെ പാറകളിൽ ചങ്ങലക്കിട്ടിരിക്കുന്ന പ്രോമിത്യൂസിനെ കണ്ടെത്തി. പ്രോമിത്യൂസ് മനുഷ്യരാശിയെ തീയുടെ ഉപയോഗവും വീടുകൾ എങ്ങനെ നിർമ്മിക്കാമെന്നും പഠിപ്പിച്ചിരുന്നു, അപ്രകാരം ദൈവങ്ങളുടെ പ്രവൃത്തിയിൽ ഇടപെട്ടതിന് അവര്‍ നല്കിയ ശിക്ഷയായിരുന്നു. ഹെര്‍കുലീസിന് പ്രൊമിത്യൂസിനോട് സഹതാപം തോന്നി അദ്ദേഹത്തെ സ്വതന്ത്രനാക്കി. ഈ ദയാപൂർവമായ പ്രവൃത്തിക്ക് പകരമായി, ഹെസ്പെറൈഡ്‌സിന്‍റെ ഉദ്യാനത്തിലേക്കുള്ള ഏറ്റവും നേരിട്ടുള്ള വഴി പ്രോമിത്യൂസ് അദ്ദേഹത്തോട് പറഞ്ഞുകൊടുത്തു.
വഴിയിൽ ഹെര്‍കുലീസ് അറ്റ്ലസിനെ സന്ദർശിക്കാൻ നിന്നു. ഒരിക്കൽ ദൈവങ്ങൾക്കെതിരെ മത്സരിച്ചതിന് ശിക്ഷയായി സ്വർഗ്ഗം തന്റെ തോളിൽ വഹിക്കാൻ അദ്ദേഹം നിർബന്ധിതനായി. “സുഹൃത്ത് അറ്റ്ലസ്, കുറച്ചുനേരം ഞാൻ നിങ്ങളെ ആശ്വസിപ്പിക്കട്ടെ,” ഹെര്‍കുലീസ് വളരെ ഹൃദ്യമായ രീതിയിൽ അദ്ദേഹത്തെ അഭിവാദ്യം ചെയ്ത ശേഷം പറഞ്ഞു. [39]“ഞാൻ സ്വർഗ്ഗത്തെ എന്‍റെ തോളിൽ എടുക്കട്ടെ, പകരമായി എനിക്ക് ഒരു വലിയ സേവനം ചെയ്യാൻ ഞാൻ നിങ്ങളെ അനുവദിക്കും. ഹെസ്പെറൈഡ്‌സിന്‍റെ ഉദ്യാനത്തിൽ വളരുന്ന സ്വർണ്ണ ആപ്പിൾ യൂറിസ്റ്റിയസിന് കൊണ്ടുപോകാൻ എനിക്ക് ഉണ്ടായിരിക്കണം, നിങ്ങൾക്ക് അവ എന്‍റെ അടുക്കൽ കൊണ്ടുവരാൻ കഴിയും. വടക്കന്‍ കാറ്റിന്‍റെ പുറകിലൂടെ, സിഥിയയിലൂടെ ഹൈപ്പര്‍ബോറിയന്‍സിന്‍റെ ദേശത്തിലൂടെയുള്ള ഒരു വഴിയായിരുന്നു അത്.
യാത്രാമദ്ധ്യേ, ഹെര്‍കുലീസ് അറ്റ്ലസ് ദേവനെ കണ്ടുമുട്ടി. ആകാശത്തെ തന്റെ തോളിലേറ്റി നില്‍ക്കുന്ന അറ്റ്ലസിനെ കണ്ട് ഹെര്‍കുലീസ് അദ്ദേഹത്തെ സമീപിച്ചു. സിയൂസിനും മറ്റ് ടൈറ്റാനുകള്‍ക്കുമെതിരെ ശബ്ദിച്ചതിന് അറ്റ്ലസിന് ലഭിച്ച ശിക്ഷയായിരുന്നു കനത്ത ആകാശത്തെ തോളില്‍ ചുമക്കുക എന്നത്!
ഹെര്‍കുലീസ് അറ്റ്ലസിന്‍റെ അടുത്തെത്തി പറഞ്ഞു. "ഞാന്‍ അല്‍പസമയം താങ്കളെ ഈ ഭാരത്തില്‍ നിന്നു മുക്തനാക്കാം! പകരമായി താങ്കള്‍ എനിക്കു ഒരു ഉപകാരം ചെയ്യണം. ഹെസ്പെറൈഡിസിന്‍റെ ഉദ്യാനത്തില്‍ വളരുന്ന സ്വർണ്ണ ആപ്പിളുകൾ എനിക്കായി കൊണ്ട് വരണം!"
അറ്റ്ലസ് സന്തോഷത്തോടെ ഹെര്കുലീസിന്റെ തോളിൽ കനത്ത ആകാശം വച്ചുകൊണ്ട് ഹെസ്പെറൈഡിസിന്‍റെ ഉദ്യാനത്തിലേക്ക് യാത്രയായി. അവിടെ അദ്ദേഹം പല തലകളുള്ള വ്യാളിയെ തന്ത്രപൂര്‍വ്വം നിദ്രയിലാഴ്ത്തി കൊലപ്പെടുത്തി. പദ്ധതിയിട്ടു. എന്നിട്ട് സ്വർണ്ണ ആപ്പിളുകള്‍ കൈവശപ്പെടുത്തി അവയുമായി ഹെര്‍കുലീസിനടുത്ത് മടങ്ങിയെത്തി.
“പ്രിയ സുഹൃത്തേ, ഞാൻ താങ്കളോട് കടപ്പെട്ടിരിക്കുന്നു” ഹെര്‍കുലീസ് പറഞ്ഞു. “ദയവായി താങ്കളുടെ സ്ഥാനം ഏറ്റെടുത്ത്, ആപ്പിളുകള്‍ എനിക്ക് നല്കിയാലും.”
“അതേതായാലും ഇനി വേണ്ട," അറ്റ്ലസ് മറുപടി പറഞ്ഞു. "ഞാൻ വളരെക്കാലമായി ആകാശത്തിന്‍റെ ഭാരം വഹിച്ചുകൊണ്ടിരിക്കുന്നു. ഇനി നീ എന്‍റെ സ്ഥാനത്ത് തുടര്‍ന്ന് കൊള്ളൂ, ഞാൻ യൂറിസ്റ്റിയസിന് സ്വർണ്ണ ആപ്പിൾ കൊണ്ട്പോയി നല്‍കിയേക്കാം.”
ഈ മറുപടി കേട്ടു ഹെര്‍കുലീസ് ഞെട്ടിപ്പോയി. ഈ അപ്രതീക്ഷിത പ്രതിസന്ധിയിൽ നിന്ന് എങ്ങനെ രക്ഷപ്പെടാമെന്ന് ഹെര്‍കുലീസ് ആലോചിക്കാൻ തുടങ്ങി. ഒടുവിൽ അദ്ദേഹം പറഞ്ഞു.
“വളരെ നല്ലത് സുഹൃത്തേ, ഞാൻ പൂര്‍ണ്ണമനസ്സോടെ നിന്‍റെ സ്ഥാനത്ത് തുടര്‍ന്നെക്കാം. പക്ഷേ ഒരു ചെറിയ സഹായം എനിക്ക് താങ്കള്‍ ചെയ്തു തരണം. ഈ കനത്ത ഭാരം തലയിൽ വയ്ക്കാൻ ഒരു പാഡ് ലഭിക്കുന്നതുവരെ ഒരു നിമിഷം ആകാശം താങ്കള്‍ ഇതൊന്ന് തലയിലേട്ടണം. അല്ലെങ്കില്‍ എനിക്ക് ഈ ഭാരം താങ്ങാനാവില്ല. അതോടെ ആകാശം വീണു നമ്മള്‍ രണ്ടുപേരെയും അതിനടിയില്‍ പെട്ട് അമര്‍ന്ന് പോകും.”
പാവം വൃദ്ധനായ അറ്റ്ലസ് മറ്റൊന്നും ആലോചിക്കാതെ അതിന് സമ്മതിച്ചു, സ്വർണ്ണ ആപ്പിൾ നിലത്ത് വച്ചുകൊണ്ട് അദ്ദേഹം വീണ്ടും ആകാശം തോളിൽ എടുത്തു. ഹെര്‍കുലീസ് ആപ്പിളുകൾ എടുത്ത് കൊണ്ട് പറഞ്ഞു, “എന്നോടു വിരോധമൊന്നും തോന്നരുത്, വളരെയധികം നന്ദി സുഹൃത്തേ. വിട!”
അങ്ങിനെ തന്റെ ഉദ്യമത്തില്‍ വിജയിച്ച ഹെര്‍കുലീസ് ഒട്ടും സമയം പാഴാക്കാതെ മൈക്കീനയിലേക്ക് മടങ്ങി.
ഹെര്‍ക്കുലീസിന്റെ കഥ - ഒന്നാം ഭാഗം
ഹെര്‍ക്കുലീസിന്റെ ആദ്യ സാഹസം - സിംഹത്തോല്‍ (ഹെര്‍ക്കുലീസിന്റെ കഥ 2)
ഹെര്കുലീസിന്റെ രണ്ടാം സാഹസം - ഒമ്പത് തലയുള്ള ഹൈഡ്ര
ഹെര്കുലീസിന്റെ മൂന്നാം സാഹസം -സ്വർണ്ണക്കൊമ്പുള്ള പെണ്‍മാന്‍
ഹെര്കുലീസിന്റെ നാലാം സാഹസം - എറിമാന്തിയൻ പന്നി
ഹെര്കുലീസിന്റെ അഞ്ചാമത്തെ സാഹസം - ഓജിയന്‍ തൊഴുത്ത് വൃത്തിയാക്കല്‍
ഹെര്കുലീസിന്റെ ആറാമത്തെ സാഹസം - സ്റ്റൈംഫാലിയൻ പക്ഷികള്‍
ഹെര്കുലീസിന്റെ ഏഴാമത്തെ സാഹസം - ക്രീറ്റിലെ ഭ്രാന്തൻ കാള
ഹെര്കുലീസിന്റെ എട്ടാമത്തെ സാഹസം - ഡയോമെഡീസിന്‍റെ കുതിരകൾ
ഹെര്കുലീസിന്റെ ഒമ്പതാമത്തെ സാഹസം - ഹിപ്പോലൈറ്റ് രാജ്ഞിയുടെ അരപ്പട്ട
ഹെര്കുലീസിന്റെ പത്താമത്തെ സാഹസം - ഗെറിയോണിന്‍റെ കന്നുകാലികള്‍
ഹെര്കുലീസിന്റെ പതിനൊന്നാമത്തെ സാഹസം ഹെസ്പെറൈഡിസിന്‍റെ സ്വർണ്ണ ആപ്പിളുകൾ
ഹെര്കുലീസിന്റെ പന്ത്രണ്ടാമത്തെ സാഹസം - നരകത്തിലെ വേട്ട നായ സെർബറസ്
0 Comments