ഗ്രീസിന്‍റെ തെക്കുപടിഞ്ഞാറൻ ഭാഗത്തുള്ള എലിസിനെക്കുറിച്ച് നമ്മൾ ഇതിന് മുന്‍പ് പറഞ്ഞിട്ടുണ്ട്. അവിടത്തെ ജനങ്ങള്‍ സിയൂസിനെ ആരാധിച്ചിരുന്നു, സിയൂസിന്റെ ബഹുമാനാർത്ഥം അവർ ഒരു അത്ഭുതകരമായ ക്ഷേത്രം പണിതു. അവർ അദ്ദേഹത്തിന്‍റെ ഭാര്യ ഹെറയ്ക്കും ഒരു ക്ഷേത്രം നിര്‍മ്മിച്ചു. , അത് കൂടാതെ പ്രതിമകൾ നിറഞ്ഞ മറ്റ് നിരവധി ക്ഷേത്രങ്ങളും അവര്‍ നിർമ്മിച്ചു. നിങ്ങള്‍ തീര്‍ച്ചയായും കണ്ടിരിക്കേണ്ട ഒരു അതി മനോഹരമായ പ്രദേശമാണ് ഇത്!
ആ ക്ഷേത്രങ്ങൾ എല്ലാം തന്നെ ഇന്ന് നാമാവശിഷ്ടമായി കഴിഞ്ഞു. ഒരു ചെറിയ പട്ടണത്തിന് ആവശ്യമായ ഭൂമി പുരാതനക്ഷേത്രങ്ങളുടെ അവശിഷ്ടങ്ങളാല്‍ നിറഞ്ഞിരിക്കുന്നു. ഈ അവശിഷ്ടങ്ങൾക്ക് സമീപം ഒരു ഉയർന്ന കുന്നുണ്ട്. ക്രോണോസ് പർവ്വതം എന്നാണ് അത് അറിയപ്പെടുന്നത്. ക്രോണോസ് എലിസിന്റെ ആദ്യകാല രാജാക്കന്മാരിൽ ഒരാളായിരുന്നുവെന്നും അദ്ദേഹം സിയൂസിന്റെ പിതാവാണെന്നും പറയപ്പെടുന്നു. തന്‍റെ മക്കളില്‍ ഒരാള്‍ തന്നെ അധികാരത്തില്‍ നിന്നും പുറന്തള്ളുമെന്ന് ഒരു പ്രവചനത്തെ തുടര്‍ന്ന് അവക്രോണോസ് തന്‍റെ കുട്ടികളെ കുഞ്ഞുങ്ങളായിരിക്കെ വിഴുങ്ങി എന്നു പറയപ്പെടുന്നു.
ശക്തരായ പുരുഷന്മാരും ആൺകുട്ടികളും സിയൂസിന്റെ ബഹുമാനാർത്ഥം കായിക മത്സരങ്ങൾ നടത്താൻ എലിസിലേക്ക് വരാറുണ്ടായിരുന്നു. അവർ ഓട്ടമത്സരങ്ങൾ നടത്തി, ബോക്സിങില്‍ ഏര്‍പ്പെട്ടു, അമ്പുകൾ എയ്തു, തങ്ങൾ എത്ര ശക്തരാണെന്ന് കാണിക്കാൻ എല്ലാത്തരം കാര്യങ്ങളും ചെയ്തു.
ക്രോണോസ് പർവതത്തിന്‍റെ ചുവട്ടിൽ രണ്ട് നദികളുണ്ട്, നദികൾക്കപ്പുറം ആളുകൾ ഇരുന്നു കളികൾ കണ്ടിരുന്ന നിരവധി താഴ്ന്ന കുന്നുകൾ ഉണ്ടായിരുന്നു.
ഈ എലിസിലാണ് ഹെര്‍കുലീസ് തന്‍റെ അടുത്ത സാഹസകൃത്യം നിര്‍വഹിച്കത്. ആ കഥയാണ് ഇവിടെ പറയുന്നതു.
പണ്ടൊരു കാലത്ത് എലിസില്‍ ഓജിയസ് എന്ന് പേരായ ഒരു രാജാവുണ്ടായിരുന്നു. അയാൾക്ക് ധാരാളം കന്നുകാലികള്‍ ഉണ്ടായിരുന്നു. ആവശ്യത്തിലധികം കന്നുകാലികള്‍ ഉണ്ടായിരുന്നതിനാല്‍ അവയെ എന്തുചെയ്യണമെന്ന് അദ്ദേഹത്തിന് അയിര്‍യില്ലായിരുന്നു. തൽഫലമായി ഓജിയസ് മൈലുകൾ നീളം വരുന്ന ഒരു തൊഴുത്ത് നിർമ്മിച്ച് തന്‍റെ പശുക്കളെമുഴുവന്‍ അതിലേയ്ക്ക് ഓടിച്ചു കയറ്റി. ഇത് വർഷം തോറും ചെയ്തു പോന്നു. ഓരോ വര്‍ഷവും കന്നുകാലികൾ കൂടിക്കൊണ്ടിരുന്നു. തന്‍റെ തൊഴുത്ത് പരിപാലിക്കാൻ വേണ്ടത്ര ആളുകളെ അദ്ദേഹത്തിന് ലഭ്യമായിരുന്നുമില്ല. പശുക്കൾക്ക് മാലിന്യം കാരണം ആ തൊഴുത്തില്‍ കയറാൻ കഴിയുമായിരുന്നില്ല; അല്ലെങ്കിൽ അവ അകത്തു കയറിയാൽ മാലിന്യം കുമിഞ്ഞു കൂടിയത് കൊണ്ട് അവയ്ക്ക് പുറത്തുകടക്കാൻ ഒരിക്കലും സാധിക്കുമായിരുന്നില്ല.
ഒറ്റദിവസംകൊണ്ട് ഈ തൊഴുത്ത് വൃത്തിയാക്കുന്നയാൾക്ക് അതിനുള്ളിലെ കാളകളിൽ പത്തിലൊന്ന് സമ്മാനമായി നൽകുന്നതാണെന്ന് ഓജിയാസ് വിളംബരംചെയ്തു. ഹെര്‍കുലീസിന് ഇഷ്ടപ്പെടാത്തതും അസാധ്യവുമായ ഒരു ജോലിയാണ് താൻ കണ്ടെത്തിയതെന്ന് യൂറിസ്റ്റിയസ് കരുതി. അതിനാൽ ഒരു ദിവസം കൊണ്ട് തൊഴുത്ത് വൃത്തിയാക്കാൻ ഹെര്‍കുലീസിനോട് അദ്ദേഹം ഉത്തരവിട്ടു.
ഹെര്‍കുലീസ് ഓജിയാസിനോട് തൊഴുത്ത് താന്‍ ഒറ്റ ദിവസം കൊണ്ട് വൃത്തിയാക്കാമെന്ന് പറഞ്ഞു. ഹെര്‍കുലീസിന് ഒരിക്കലും ഒരു ദിവസം കൊണ്ട് അത് ചെയ്യാൻ കഴിയില്ലെന്ന് രാജാവ് കരുതി. തന്‍റെ മൊത്തം പശുക്കളുടെയും പത്തിലൊന്ന് ഹെര്‍കുലീസിന് നാല്‍കാമെന്ന് തന്‍റെ മകന്‍റെ സാന്നിധ്യത്തിൽ ഓജിയസ് വാഗ്ദാനം ചെയ്തു.
ഓജിയസിന്‍റെ തൊഴുത്ത് ക്രോണോസ് പർവതത്തിനടുത്തുള്ള രണ്ട് നദികളുടെ അടുത്തായിരുന്നു. ഹെര്‍കുലീസ് പശുക്കളെ മുഴുവന്‍ അനായാസം തളച്ചു. എന്നിട്ട് തൊഴുത്തിന്‍റെ ഒരുവശത്തെ ഭിത്തി വെട്ടിപ്പൊളിച്ചു. പിന്നീട് കനാലുകൾ വെട്ടി രണ്ടു നദികളെയും തൊഴുത്തിലേക്ക് ദിശ തിരിച്ച് ഒഴുക്കിവിട്ടു. നദികള്‍ തൊഴുത്തിലൂടെ ഒഴുകിയതോടെ വളരെ വേഗത്തിൽ തന്നെ തൊഴുത്തിലെ മാലിന്യം മുഴുവന്‍ ഒഴുകിപ്പോയി. അസാധ്യമെന്ന് കരുതിയ കൃത്യം അനായാസം ചെയ്തു തീര്‍ത്തത് കണ്ടു രാജാവ് അത്ഭുതപ്പെട്ടു. എന്നാല്‍ വാഗ്ദാനം ചെയ്ത പ്രതിഫലം നൽകാൻ അദ്ദേഹം ഉദ്ദേശിച്ചിരുന്നില്ല. അതുകൊണ്ടു അത്തരമൊരു വാഗ്ദാനം ഒരിക്കലും നൽകിയിട്ടില്ലെന്ന് അദ്ദേഹം നടിച്ചു.
പ്രതിഫലം ഒരു തര്‍ക്ക വിഷയം ആയതോടെ അത് ഒരു കോടതിയുടെ മുമ്പാകെ കൊണ്ടുവരുമെന്നും ജഡ്ജിമാർ അത് തീരുമാനിക്കണമെന്നും രാജാവു പറഞ്ഞു. എന്നാല്‍ ഹെര്‍കുലീസ് രാജകുമാരനെ ന്യായാധിപന്മാരുടെ മുമ്പാകെ സാക്ഷിയാക്കാൻ വിളിച്ചു. രാജകുമാരന്‍ കോടതി മുന്‍പാകെ സത്യം പറഞ്ഞു. അത് രാജാവിനെ വളരെയധികം കോപാകുലനാക്കി, ഓജിയസ് തന്‍റെ മകനെയും ഹെര്‍കുലീസിനെയും നാടുകടത്തി.
ഹെരുലീസ് എലിസ് വിട്ട് മൈക്കീനിലേക്ക് മടങ്ങി. ചതിയനായ രാജാവിനോടുള്ള അവജ്ഞ ഹെര്കുലീസിന്റെ ഉള്ളില്‍ നിറഞ്ഞു.
അമാനുഷികമായ ശക്തിയും ധൈര്യവുമുള്ള ഹെർക്കുലീസ് ഇത്തരമൊരു അസാധാരണ ദൌത്യം അനായാസം നിര്‍വഹിച്ചതിനാല്‍ ഈ കഥയില്‍ നിന്നും "Herculean Task" എന്ന ഒരു ശൈലി നിലവില്‍ വന്നു. അതികഠിനമായ ഏതൊരു ദൌത്യത്തെയും ഈ ശൈലി കൊണ്ട് വിശേഷിപ്പിക്കാം. ഇതിന് തുല്യമായി മലയാളത്തിലുള്ള ശൈലിയാണ് "ഭഗീരഥ പ്രയത്നം". ഭഗീരഥന്‍ ആകാശഗംഗയെ ഭൂമിയിലെത്തിക്കുക എന്ന അസാമാന്യകൃത്യം നിര്‍വഹിച്ച ഐതിഹ്യത്തില്‍ നിന്നുമാണ് ഈ ശൈലി രൂപം കൊണ്ടത്. ആ കഥ നമുക്ക് പിന്നീടൊരിക്കല്‍ പറയാം.
ഹെര്‍ക്കുലീസിന്റെ കഥ - ഒന്നാം ഭാഗം
ഹെര്‍ക്കുലീസിന്റെ ആദ്യ സാഹസം - സിംഹത്തോല്‍ (ഹെര്‍ക്കുലീസിന്റെ കഥ 2)
ഹെര്കുലീസിന്റെ രണ്ടാം സാഹസം - ഒമ്പത് തലയുള്ള ഹൈഡ്ര
ഹെര്കുലീസിന്റെ മൂന്നാം സാഹസം -സ്വർണ്ണക്കൊമ്പുള്ള പെണ്‍മാന്‍
ഹെര്കുലീസിന്റെ നാലാം സാഹസം - എറിമാന്തിയൻ പന്നി
ഹെര്കുലീസിന്റെ അഞ്ചാമത്തെ സാഹസം - ഓജിയന്‍ തൊഴുത്ത് വൃത്തിയാക്കല്‍
0 Comments