ഏഥൻസിലെ രാജാവായ ഈജിയസിന്റെയും ട്രോസെനിലെ രാജാവായ പിത്തേയസിന്റെ മകളായ ഈത്രയുടെയും മകനായിരുന്നു തീസസ്. മിനോട്ടോറിനെ ധീരമായി പരാജയപ്പെടുത്തിയതിനുശേഷം തെസ്യുസ് വളരെ സന്തോഷിച്ചു! ഏഥൻസിലെ ജനങ്ങളെ രക്ഷിക്കുകയും ക്രീറ്റിലെ മിനോസ് രാജാവ് വർഷങ്ങളായി ആവശ്യപ്പെട്ടിരുന്ന ഭയാനകമായ കപ്പം നിർത്തുകയും ചെയ്തു.
മിനോട്ടോറിനെ വധിച്ച ശേഷം, അവർ ഒരുമിച്ച് ദ്വീപ് വിടുമെന്നും, അവളെ ഏഥൻസിലേക്ക് തന്റെ കൂടെ കൊണ്ടുപോകുമെന്നും അദ്ദേഹം അരിയാഡ്‌നെയോട് വാഗ്ദാനം ചെയ്തിരുന്നു.
അങ്ങനെ, തെസ്യുസും, അരിയാഡ്‌നെയും ലാബിരിന്തിൽ കുടുങ്ങിയ മറ്റ് ഏഥൻസുകാരും എല്ലാവരും തെസ്യുസിന്റെ കപ്പലിൽ കപ്പൽ കയറി ഏഥൻസിലെക്ക് യാത്ര തിരിച്ചു.
പക്ഷേ അവർ നക്സോസ് ദ്വീപിൽ യാത്രാമദ്ധ്യേ കപ്പലടുപ്പിച്ചപ്പോൾ , ദുഃഖകരമായ ഒരു കാര്യം നടന്നു! പൂർണ്ണമായും വ്യക്തമല്ലാത്ത കാരണങ്ങളാൽ, തെസ്യുസ് അരിയാഡ്‌നയെ ഉപേക്ഷിക്കാൻ തീരുമാനിച്ചു. അവളോട് യാത്ര പോലും പറയാതെ, അവളെ ദ്വീപിൽ തനിച്ചാക്കി അവൻ കപ്പൽ കയറി!
അരിയാഡ്‌നെയുടെ ഹൃദയം തകർന്നു പോയി. വീട്ടിൽ നിന്ന് വളരെ അകലെയുള്ള ഒരു ദ്വീപിൽ അവൾ ഒറ്റയ്ക്കാണിപ്പോൾ !
അരിയാഡ്‌നെ നക്സോസ് ദ്വീപില് ഉപേക്ഷിച്ച തെസ്യൂസ് തന്റെ യാത്ര തുടര്ന്ന്. എന്നാൽ തിരികെ ഏഥൻസിലെത്താറായ വേളയിൽ തെസ്യുസിന് ഒരു വലിയ തെറ്റ് സംഭവിച്ചു.
അദ്ദേഹം ഏഥൻസിൽ നിന്നും യാത്ര തിരിക്കുമ്പോൾ, താൻ വിജയിയായി തിരിച്ചു വരുന്ന സമയം തന്റെ കപ്പലിലെ വെളുത്ത കപ്പൽപ്പായകൾ ഉയർത്താമെന്ന് തന്റെ പിതാവായ ഈജിയസ് രാജാവിന് ഉറപ്പ് നല്കിയിരുന്നു, അപകടകരമായ ആ സാഹസികതയിൽ നിന്ന് താൻ രക്ഷപ്പെട്ടാൽ, താൻ വിജയിച്ചുവെന്ന് കാണിക്കാനും, താൻ സുരക്ഷിതനാണെന്നും, ജീവിച്ചിരിപ്പുണ്ടെന്നും പിതാവിനെ ബോധ്യപ്പെടുത്താനും ഉള്ള സൂചനയായിട്ടായിരുന്നു അത്! എന്നാൽ നിർഭാഗ്യവശാൽ ഈ കാര്യം മറന്നു പോയ തെസ്യുസ്, കറുത്ത കപ്പൽപ്പായകൾ ആണ് ഉയർത്തിയിരുന്നത്.
തെസ്യുസിന്റെ പിതാവ് ഈജിയസ്, കറുത്ത കപ്പൽപ്പായകൾ ഉയർത്തിയ കപ്പൽ ദൂരെ നിന്ന് കണ്ടപ്പോൾ, തന്റെ മകനെ മിനോട്ടോർ കൊന്നുകളഞ്ഞുവെന്ന് കരുതി. സങ്കടം സാഹിക്കാനാകാതെ അദ്ദേഹം കടലിലേക്ക് ചാടി അപ്രത്യക്ഷനായി. ആ കടൽ പിന്നീട് ഈജിയൻ കടൽ എന്നറിയപ്പെട്ടു.
ഒടുവിൽ തെസ്യുസ് ഏഥൻസിൽ തിരിച്ചെത്തിയപ്പോൾ, തന്റെ പിതാവിന്റെ മരണവാർത്തയറിഞ്ഞ് ഹൃദയം തകർന്നുപോയി. ഒരു ജനനായകനാണ് താനെന്ന് സ്വയം അഭിമാനിച്ചിരുന്ന അദ്ദേഹത്തിന് പക്ഷേ ഇപ്പോൾ താനാരുമല്ലെന്ന് ബോധ്യപ്പെട്ടു. പിതാവിനോടുള്ള ആദരസൂചകമായി ഏഥൻസിലെ ഒരു ജ്ഞാനിയും നീതിമാനും ആയ രാജാവായി മാറാൻ അദ്ദേഹം തീരുമാനിച്ചു. അദ്ദേഹം നഗരത്തെ കൂടുതൽ ശക്തമാക്കുകയും എല്ലാവരും ഒരുമിച്ച് പ്രവർത്തിക്കുന്ന സമാധാനപരമായ ഏഥൻസ് സൃഷ്ടിക്കാൻ വ്യത്യസ്ത ഗ്രാമങ്ങളെ ഒരുമിച്ച് കൊണ്ടുവരാൻ സഹായിക്കുകയും ചെയ്തു.
പിന്നീടും അദ്ദേഹം കൂടുതൽ സാഹസികതകളിൽ ഏർപ്പെട്ടു (കൂടുതൽ കഥകൾ നമുക്ക് പിന്നീട് വായിക്കാം). ഗ്രീസിലെ ഏറ്റവും വലിയ വീരന്മാരിൽ ഒരാളായി. തീസസിന്റെ ധീരതയ്ക്ക് ആളുകൾ അദ്ദേഹത്തെ സ്നേഹിച്ചു, ഏഥൻസിലെ എല്ലാവർക്കും അദ്ദേഹം ശക്തിയുടെയും ധൈര്യത്തിന്റെയും പ്രതീകമായി മാറി.
0 Comments