ഒരിയ്ക്കല്‍ വിചിത്രമായ ഒരു തര്‍ക്കവുമായി രണ്ടു പ്രഭുക്കള്‍ അക്ബര്‍ ചക്രവര്‍ത്തിയുടെ അടുത്തെത്തി. ഒരു വിശേഷപ്പെട്ട കുതിരയുടെ ഉടമസ്ഥാവകാശത്തെ ചൊല്ലിയുള്ള തര്‍ക്കമായിരുന്നു അത്. പ്രത്യേക ജനുസ്സില്‍ പെട്ട ആ കുതിരയെ താന്‍ പേര്‍ഷ്യയില്‍ നിന്നും വരുത്തിയതാണ് എന്നും അതിനെ മറ്റെയാള്‍ മോഷ്ടിച്ച് കൈക്കലാക്കിയെന്നുമാണ് ആദ്യത്തെ പ്രഭു പരാതി പറഞ്ഞത്.
കുതിര തന്‍റേത് തന്നെയാണെന്നും, തന്‍റെ ലായത്തിലുള്ള നിരവധി കുതിരകളില്‍ ഒന്നു മാത്രമാണ് ഈ കുതിരയെന്നും രണ്ടാമത്തെയാള്‍ വാദിച്ചു. ഇത്ര കുതിരകള്‍ സ്വന്തമായുള്ള തനിക്ക് മറ്റൊരാളുടെ കുതിര മോഷ്ടിക്കേണ്ട ആവശ്യമില്ലെന്നും, ആദ്യത്തെയാള്‍ തനിക്കെതിറെ വെറുതെ പരാതിയുമായി വന്നിരിക്കുകയാണെന്നും അയാള്‍ ബോധിപ്പിച്ചു.
രണ്ടു പേരുടെയും വാദങ്ങള്‍ കേട്ട അക്ബര്‍ സത്യത്തില്‍ അല്പ്പം ആശയക്കുഴപ്പത്തിലായി. രണ്ടു പേരും ഉയര്‍ന്ന സ്ഥിതിയിലുള്ള, നാട്ടിലെ പേര് കേട്ട പ്രമാണിമാര്‍! ആരെ വിശ്വസിക്കണം എന്ന് അദ്ദേഹത്തിന് ഒരു പിടിയുമില്ലായിരുന്നു.കുതിര തന്‍റേതാണെന്ന് തെളിയിക്കാന്‍ ആദ്യത്തെ ആളുടെ കയ്യില്‍ ഒരു തെളിവുമില്ലായിരുന്നു. ഉടന്‍ തന്നെ അക്ബര്‍ ആ പരാതി ബീര്‍ബലിനെ ഏല്‍പ്പിച്ചു. ബീര്‍ബല്‍ അതിന് പരിഹാരം കാണുമെന്ന് അക്ബറിന് ഉറപ്പായിരുന്നു.
ബീര്‍ബല്‍ രണ്ടു പേരുടെയും വാദമുഖങ്ങള്‍ കേട്ടു. കുറച്ചു നേരം ചിന്തിച്ച ശേഷം ബീര്‍ബല്‍ പറഞ്ഞു.
"എന്തായാലും നിങ്ങള്‍ രണ്ടു പേരും ഇപ്പോള്‍ തിരികെ പോയി നാളെ രാവിലെ വരൂ. പിന്നെ എനിക്കീ കുതിരയെ ഒന്നു കാണണം. അതിനെയും കൊണ്ട് വരാനുള്ള ഏര്‍പ്പാട് ചെയ്യൂ."
പിറ്റേദിവസം രാവിലെ രണ്ടു പേരും ബീര്‍ബലിന്റെ അടുത്തെത്തി. കുതിരയെയും നേരത്തെ തന്നെ അവിടെ എത്തിച്ചിട്ടുണ്ടായിരുന്നു. ബീര്‍ബല്‍ കുതിരയുടെ അടുത്ത് ചെന്ന് അതിനെ വിശദമായി പരിശോധിച്ചു. അതിന് ശേഷം രണ്ടാമത്തെയാളുടെ അടുത്തെത്തി ഇങ്ങിനെ ചോദിച്ചു.
"എത്ര വര്‍ഷമായി നിങ്ങള്‍ ഈ കുതിരയെ വാങ്ങിയിട്ട്?"
0 Comments