ഈ കഥ പല രൂപത്തില്‍ കാലങ്ങളായി പ്രചാരത്തിലുള്ള ഒരു കഥയാണ്. ഒരു യഥാര്‍ത്ഥ സംഭവത്തെ ആധാരമാക്കിയുള്ള ഈ കഥ നടന്നത് 1666ലെ ലണ്ടനിലെ മഹാ അഗ്നിബാധയ്ക്ക് ശേഷമാണ്. ലണ്ടൻ നഗരത്തിന്റെ കേന്ദ്ര ഭാഗങ്ങൾ മുഴുവൻ നശിപ്പിച്ച അഗ്നിബാധയ്ക്ക് ശേഷം ലണ്ടനിലെ പ്രശസ്തമായ സെയിന്‍റ് പോള്‍സ് കത്തീഡ്രൽ പുനര്‍നിര്‍മ്മിക്കാന്‍ നിയുക്തനായത് പ്രശസ്ത ആര്‍കിറ്റെക്ട് ആയ സർ ക്രിസ്റ്റഫർ വ്രെൻ ആയിരുന്നു. സർ ക്രിസ്റ്റഫർ വ്രെൻ നിരവധി പുതിയ പള്ളികൾ രൂപകൽപ്പന ചെയ്യുകയും ലണ്ടനിലെ ഏറ്റവും പ്രധാനപ്പെട്ട കെട്ടിടങ്ങളുടെ പുനർനിർമ്മാണം മേൽനോട്ടം വഹിക്കുകയും ചെയ്തു.
ഒരു ദിവസം പണികള്‍ക്ക് മേല്‍നോട്ടം വഹിക്കാനെത്തിയ വ്രെൻ മൂന്ന് കല്‍പ്പണിക്കാര്‍ ഭിത്തിയുടെ പണിയില്‍ മുഴുകിയിരിക്കുന്നത് കണ്ടു. അദ്ദേഹം ആദ്യത്തെ പണിക്കാരന്‍റെ അടുത്തെത്തി ചോദിച്ചു.
"താങ്കളെന്താണ് ചെയ്യുന്നത്?"
"നിങ്ങള്‍ക്ക് കണ്ടാലറിഞ്ഞു കൂടേ? ഞാനൊരു കല്‍പ്പണിക്കാരനാണ്. അതുകൊണ്ട് കല്‍പ്പണിയാണ് ചെയ്യുന്നത്." പണിക്കാരന്‍ അദ്ദേഹത്തെ നോക്കി പറഞ്ഞു.
വ്രെൻ അയാളെ വിട്ട് അടുത്ത പണിക്കാരന്‍റെ അടുത്തേക്ക് നീങ്ങി. എന്നിട്ട് അയാളോടും അതേ ചോദ്യം ഉന്നയിച്ചു.
"താങ്കളെന്താണ് ചെയ്യുന്നത്?"
രണ്ടാമത്തെ പണിക്കാരന്‍ പറഞ്ഞു. "ഞാന്‍ ഒരു ഭിത്തി നിര്‍മ്മിക്കുകയാണ്"
അടുത്തതായി വ്രെന്‍ മൂന്നാമത്തെ കല്‍പ്പണിക്കാരന്‍റെ അടുത്തെത്തി. അയാള്‍ വളരെ ഊര്‍ജ്ജസ്വലതയോടും സന്തോഷത്തോടും കൂടിയാണ് പണി ചെയ്യുന്നതെന്ന് വ്രെന്‍ ശ്രദ്ധിച്ചു.
"താങ്കളെന്താണ് ചെയ്യുന്നത്?" വ്രെന്‍ മൂന്നാമനോടും അതേ ചോദ്യം ആവര്‍ത്തിച്ചു.
"ഞാന്‍ ദൈവത്തിനായി ഒരു മനോഹരമായ ഭവനം പണിയുകയാണ്".
മൂന്ന് പണിക്കാരും ചെയ്തിരുന്നത് ഒരേ ജോലി തന്നെയാണ്. എന്തായിരുന്നു അവര്‍ തമ്മിലുള്ള വ്യത്യാസം? എന്താണ് ഈ കഥ നമ്മെ പഠിപ്പിക്കുന്നത്?
പ്രശസ്തരുടെ കൂടുതല്‍ കഥകള്‍
മാമ്പഴത്തിന്‍റെ വില - ഗാന്ധി കഥകള്‍ - Mampazhathinte vila gandhi story
ഒരു ദിവസം രാവിലെ ഗാന്ധിജിയ്ക്ക് കൂടിക്കാനായി അദ്ദേഹത്തിന്റെ ശാന്തത സഹചാരിയായിരുന്ന മനു...ഹെന്റി ഗില്ലുമെറ്റിന്‍റെ സാഹസിക കഥ
അന്റോയിൻ ഡി സെന്റ്-എക്സുപെറി എഴുതിയ പ്രശസ്തമായ ഒരു പുസ്തകമാണ് നിരവധി അവാര്‍ഡുകള്‍ നേടിയ ...അനുകമ്പയുള്ള കുതിരക്കാരന്‍ - പ്രശസ്തരുടെ കഥകള്‍
കനത്ത മഞ്ഞുപെയ്യുന്ന ഒരു തണുപ്പ് കാലത്ത് വടക്കന്‍ വെര്‍ജീനിയയിലെ ഒരു നദിക്കരയില്‍ അക്കരെ കടക്കാന്‍...ഇഗ്‌നാസ്‌ പാദരെവ്‌സ്‌കിയും ഷൂ പോളിഷ് ചെയ്യുന്ന ബാലനും
അന്താരാഷ്‌ട്ര പ്രസിദ്ധിയാര്‍ജിച്ച ഏറ്റവും വലിയ പിയാനിസ്റ്റും സംഗീതജ്ഞനും ആയിരുന്ന ഇഗ്‌നാസ്‌...ശക്തന്‍ തമ്പുരാന്‍റെ കടുംകൈ
കൊച്ചി രാജ്യം ഭരിച്ചിരുന്ന രാജാക്കാന്‍മാരില്‍ ഏറ്റവും പേരുകേട്ട രാജാവായിരുന്നു ശക്തന്‍ തമ്പുരാന്‍...
ദീപസ്തംഭം മഹാശ്ചര്യം!
മനുഷ്യരുടെ ധനമോഹത്തെയും ആര്‍ത്തിയെയും സ്വാര്‍ഥതയെയും സൂചിപ്പിക്കുന്ന ഒരു ശൈലിയാണ് "ദീപസ്തംഭം...- കുഞ്ചന്‍ നമ്പ്യാരും നമ്പിയും!
കുഞ്ചന്‍ നമ്പ്യാര്‍ മാര്‍ത്താണ്ഡവര്‍മ്മ മഹാരാജാവിന്‍റെ ആശ്രിതനായി കഴിയുന്ന കാലത്ത് നടന്ന ഒരു... 
കൈപ്പിഴ വന്നതുകൊണ്ടുള്ള ഗ്രഹപ്പിഴ!
ഇന്നത്തെ അമ്പലപ്പുഴയും അതിനോടുചേന്ന പ്രദേശങ്ങളും പഴയ ചെമ്പകശ്ശേരി രാജ്യത്ത് ഉള്‍പ്പെട്ടവയായിരുന്നു....
കരിയും കളഭവും!
മലയാളത്തിലെ പ്രശസ്തരായ രണ്ട് കവികളായിരുന്നു കുഞ്ചൻ നമ്പ്യാരും, ഉണ്ണായിവാര്യരും. പ്രതിഭാസമ്പന്നനായ...
മൂന്ന് കല്‍പ്പണിക്കാരുടെ കഥ
ഈ കഥ പല രൂപത്തില്‍ കാലങ്ങളായി പ്രചാരത്തിലുള്ള ഒരു കഥയാണ്. ഒരു യഥാര്‍ത്ഥ സംഭവത്തെ ആധാരമാക്കിയുള്ള ഈ...
0 Comments