ഹൃദയരാഗതന്ത്രി മീട്ടി... പ്രാര്‍ത്ഥനാ ഗാനം Hridayaraga Thanthri Meetti Prayer Song

ഹൃദയരാഗതന്ത്രി മീട്ടി
സ്‌നേഹഗീതമേകിയും
കര്‍മ്മഭൂമി തളിരിടുന്ന
വര്‍ണ്ണമേകിയും
നമ്മില്‍ വാഴും ആദിനാമം
ഇന്നു വാഴ്‌ത്തിടാം
ഹൃദയരാഗ...

ഞങ്ങള്‍ പാടുമീ സ്വരങ്ങള്‍
കീര്‍ത്തനങ്ങളാകണേ
ചോടുവയ്‌ക്കുമീ പദങ്ങള്‍
നൃത്തലോലമാകണേ
കുഞ്ഞുവീടിനുള്‍ക്കളങ്ങള്‍
സ്വര്‍ഗ്ഗമാകണേ
അമ്മ നല്‍കും ഉമ്മപോലും
അമൃതമാകണേ
പൂര്‍ണ്ണമീ ചരാചരങ്ങള്‍
ഗുരുവരങ്ങളാകണേ
ഹൃദയരാഗ